sitara apni bhi taabindagi na dekh saka

sitara apni bhi taabindagii na dekh saka
vo dhundh thi keh ye manzar koi na dekh saka
talaash karate huye ungaliyaan jalaa Daalin
vo tiiragi thi ki main shama bhi na dekh saka
mila tha shaam mujhe ik bujhaa huaa suuraj
main us ke baad phir raushanii na dekh sakaa
jo rabt baaqi the sab qataa kar liye us ne
woh meharabaan meri bechaaragii na dekh sakaa
nigaah viase to baam-e-falak ko chhu aai
main jis zamin pe kharaa thaa vahi na dekh sakaa
wohi hai aainaaKhaanaa wohi hain tasveerain
main umr bhar koi suurat nai na dekh sakaa

Choice by : Sadia