Jis semat bhi dekhun nazar aata hai ke tum ho
Ae jaan-e-jahaan ye koi tum saa hai ke tum ho

Yeh khuwaab hai khushbu hai ke jhonkaa hai ke pal hai
Yeh dhundh hai baadal hai ke saayaa hai ke tum ho

Is dil ki saa'at mein kayi rung hain larzaan
Main hoon ke koi aur hai duniyaa hai ke tum ho

Dekho yeh kisi aur ki aankhein hain ke meri
Dekhu yeh kisi aur ka chehraa hai ke tum ho

Yeh umr-e-gurezaan kahin thehre to yeh jaanun
Har saans mein mujhko yeh lagta hai ke tum ho

Har bazm mein mauzu-e-sukhan dil zadgaan kaa
Ab kaun hai sheerin hai ke lailaa hai ke tum ho

Ek dard ka phailaa hua sahaara hai ke main hun
Ek mouj mein aaya hua daryaa hai ke tum ho

Woh waqt naa aaye ke dil-e-zaar bhi sochay
Is shehar mein tanha koi hamsa hai ke tum ho

Aabaad hum aashuftaa saron se nahin maqtal
Yeh rasm abhi shehar mein zinda hai ke tum ho

Ae jaan-e-'Faraz' itni bhi taufeeq kisse thi
Hum ko Gham-e-hasti bhi gavaara hai ke tum ho

Sent By: Sadia Marium